გერმანული ენა

Article on other languages:

• Duits
• Deutsche_Sprache
• ጀርመንኛ
• Idioma_alemán
• Þēodisc_sprǣc
• لغة_ألمانية
• ܠܫܢܐ_ܓܪܡܢܝܐ
• Alemán
• Aliman_aru
• Alman_dili
• Герман_теле
• Deitsche_Sprach
• Aleman
• Нямецкая_мова
• Немски_език
• জার্মান_ভাষা
• জার্মান_ঠার
• Alamaneg
• Njemački_jezik
• Alemany
• Dáik-ngṳ̄
• Inaleman
• ᎠᏛᏥ
• Lingua_tedesca
• Alman_tili
• Němčina
• Нѣ́мьчьскъ_ѩꙁꙑ́къ
• Нимĕç_чĕлхи
• Almaeneg
• Tysk_(sprog)
• Deutsche_Sprache
• Almanki
• Nimšćina
• އަލްމާނީ
• Γερμανική_γλώσσα
• Tedèsch
• German_language
• Germana_lingvo
• Idioma_alemán
• Saksa_keel
• Aleman
• زبان_آلمانی
• Saksan_kieli
• Týskt_(mál)
• Allemand
• Alemand
• Lenghe_todescje
• Dútsk
• Gearmáinis
• Gearmailtis
• Lingua_alemá
• Germaanish
• Tet-vùn
• גרמנית
• जर्मन_भाषा
• Njemački_jezik
• Němska_rěč
• Alman
• Német_nyelv
• Գերմաներեն
• Lingua_german
• Bahasa_Jerman
• German
• Pagsasao_nga_Aleman
• Germaniana_linguo
• Þýska
• Lingua_tedesca
• ドイツ語
• dotybau
• Basa_Jerman
• Kidoitce
• Tyskisut
• ಜರ್ಮನ್_ಭಾಷೆ
• 독일어
• Dütsche_Sprooch
• Almaynek
• Lingua_Theodisca
• Lingua_alemana
• Däitsch
• Duits
• Lengua_tedesca
• Lengua_Tudesca
• Lialémani
• Vokiečių_kalba
• Vācu_valoda
• Германонь_кяль
• Fiteny_alemainai
• Reo_Tiamana
• Германски_јазик
• ജര്‍മന്‍_ഭാഷ
• Герман_хэл
• जर्मन_भाषा
• Bahasa_Jerman
• آلمانی_زبون
• Teutontlahtōlli
• Lengua_germanese
• Düütsche_Spraak
• Duits
• Tysk_språk
• Tysk
• Allemaund
• Bééshbich’ahí_bizaad
• Alemand
• Немыцаг_æвзаг
• Modern_Hochdeitsch
• Język_niemiecki
• Lenga_tedësca
• الماني
• Língua_alemã
• Aliman_simi
• Lingua_tudestga
• Limba_germană
• Немецкий_язык
• Ikidage
• Lingua_tudisca
• German_leid
• Duiskkagiella
• Nemački_jezik
• German_language
• Nemčina
• Nemščina
• Fa'asiamani
• Gjuha_gjermane
• Немачки_језик
• SíJalimáne
• Se-jeremane
• Tyska
• Kijerumani
• Mjymjecko_godka
• ஜெர்மன்_மொழி
• Lia-alemaun
• Забони_олмонӣ
• ภาษาเยอรมัน
• Nemes_dili
• Wikang_Aleman
• Tok_Siamani
• Almanca
• Alman_tele
• Німецька_мова
• جرمن_زبان
• Łéngoa_todésca
• Tiếng_Đức
• Almand
• IsiJamani
• דייטשיש
• Duuts
• 德语
• IsiJalimani

ვიკიწიგნებში არის სახელმძღვანელო:

გერმანული ენა

გერმანული ენა — გერმანელთა, ავსტრიელთა, გერმანო-შვეიცარიელთა ენა, მიეკუთვნება ინდოევროპული ოჯახის გერმანულ ჯგუფს .

ზოგადი ცნობები

• მოლაპარაკეთა რაოდენობა: 105 მლნ.-ზე მეტი.
• ენის კოდი: de
• სახელწოდება: de – Deutsch; en – German; eo – Germana
• დამწერლობა: ლათინური

სტატუსი

ისტორია

სიტყვის „Deutsch“ ეტიმოლოგია

სიტყვა „Deutsch“ მომდინარეობს ძველგერმანული სიტყვისგან „თიოდა“ (thioda, thiodisk), რაც ნიშნავს "ხალხის კუთვნილს", "ეროვნულს", „ხალხის ენაზე მოლაპარაკეს“. ამ სიტყვიდან მოდის ასევე ლათინური სიტყვა „theodisce“, რომელსაც იყენებდნენ იმ ერების აღსანიშნავად, რომლებიც ლათინურად არ საუბრობდნენ, კერძოდ გერმანელებისა და ჰოლანდიელების.

განვითარება

სალიტერატურო გერმანული ენა ჩამოყალიბდა VIII—IX სს-ში ძველზემოგერმანული (Althochdeutsch) დიალექტის საფუძველზე, XIII—XV სს-ში — საშუალოზემოგერმანულისა (Mittelhochdeutsch) და XV ს-დან — ახალზემოგერმანულის (Neuhochdeutsch) საფუძველზე^[1]. უძველესი წერილობითი ძეგლებია: სენ-გალენის ლათინურ-გერმანული გლოსარიუმი (VIII ს.), შესრულებული ალემანურ დიალექტზე, ისიდორის ტრაქტატის თარგმანი რაინ-ფრანკონულ დიალექტზე (IX ს-ის დასაწყისი).

გერმანიის ტერიტორიაზე შუა საუკუნებში მრავლად იყო პატარ-პატარა ტერიტორიული წარმონაქმნები, რამაც განაპირობა საკმაოდ განსხვავებული დიალექტების წარმოქმნა. ეს კი ხელს უშლიდა საერთო გერმანული ენისა და კულტურის განვითარებას. ამის გამო, მე-13 საუკუნის დასაწყისში, გერმანელ პოეტებსა და მწერლებს თავის შემოქმედებაში დიალექტური სიტყვების ხმარება აუკრძალეს. ეს ითვლება საერთო გერმანული სამწერლობო, ლიტერატურული ენის შექმნის პირველ მცდელობად.

1521 წელს მარტინ ლუთერმა ჯერ კიდევ განვითარების საფეხურზე მყოფ სტანდარტულ ახალ გერმანულ ენაზე თარგმნა ახალი, ხოლო 1534 წელს ძველი აღთქმა. მეცნიერთა აზრით (თუმცა, სადავოა), სწორედ ამან განაპირობა XIV საუკუნეში სალიტერატურო, სამწერლობო ენის ხალხში გავრცელება.

სხვა ევროპის ქვეყნებისაგან განსხვავებით, სადაც სალიტერატურო ენა ძირითადად დედაქალაქის დიალექტს ეფუძნება, გერმანული სამწერლობო ენა შუალედურია ჩრდილოეთისა და სამხრეთის დიალექტებს შორის და ადგილობრივად ითვლება მხოლოდ ჰანოვერში. სალიტერატურო ენამ ქვეყნის ჩრდილოეთ ნაწილში სწრაფად ჩაანაცვლა ადგილობრივი დიალექტები, ხოლო სამხრეთ გერმანიაში ჯერ კიდევ განსხვავებულ დიალექტზე საუბრობენ.

პერიოდები

• 750—1050: ძველი მაღალი გერმანული (Althochdeutsch)
• 1050—1350: საშუალო მაღალი გერმანული (Mittelhochdeutsch)
• 1350—1650: ადრე ახალი მაღალი გერმანული (Frühneuhochdeutsch)
• 1650-დან: ახალი მაღალი გერმანული, თანამედროვე გერმანული ენა (Neuhochdeutsch)

ანბანი

გერმანული ანბანი დაფუძნებულია ლათინური ანბანის საფუძველზე. ანბანში სულ 26 ასო-ნიშანია, რომელთაგან 6 ხმოვანია, 20 თანხმოვანი.

ხმოვნები: A a, E e, I i, O o, U u, Y y.

გერმანულში, სხვა ევროპული ენებისგან განსხვავებით, ასო V იკითხება როგორც ჶ (Vater, Vier), ხოლო Z, როგორც ც. ასო-ბგერა r შეიძლება გამოითქვას როგორც რ, ან ღ. გარდა ამ ასოებისა, გერმანულში არის დამატებითი ნიშნები:

• Ä ä - ა უმლაუტით (დაახ. ე)
• Ö ö - ო უმლაუტით
• Ü ü - უ უმლაუტით
• ß - ss (გრძელი ს).

ß-ს ნაცვლად ბოლო დროს ხშირად იხმარება ss, მაგალითად Groß - Gross.

დიფტონგები და ასოთა კომბინაციები:

• eu - ოი (neu (ნოი) - ახალი)
• äu - ოი (träumen (თროიმენ) - ოცნება)
• ie - იი (wie (ვიი) - როგორ)
• ei - აი (eins (აინს) - ერთი)
• h (ხმოვნის შემდეგ) - აგრძელებს ხმოვანს (gehen (გეენ)- წასვლა)
• s (ხმოვნის წინ) - ზ (sein (ზაინ)- ყოფნა)
• s (თანხმოვნის წინ ან სიტყვის ბოლოში) - ს (eins (აინს)- ერთი)
• st - შტ (straße (შტრასე)- ქუჩა)
• sp - შპ (später (შპეტერ) - გვიან)
• g (სიტყვის ბოლოში) - ჰ (zwanzig (ცვანციჰ) - ოცი)
• ch - ხ (ich (იხ) - მე)
• sch - შ (schlecht (შლეხთ) - ცუდი)
• tsch - ჩ (Deutsch (დოიჩ) - გერმანული)
• Dsch - ჯ (უცხოურიდან შემოსულ სიტყვებში: Aserbeidschan - აზერბაიჯანი)

ვიკიწიგნებში არის სახელმძღვანელო:

გერმანული ენა/ანბანი და გამოთქმა

გრამატიკა

მეტყველების ნაწილები

გერმანულ ენაში არის 11 მეტყველების ნაწილი:

• 1. ზმნა - das Verb
• 2. არსებითი სახელი - das Substantiv
• 3. არტიკლი - der Artikel
• 4. ზედსართავი სახელი - das Adjektiv
• 5. ნაცვალსახელი - das Pronomen
• 6. რიცხვითი სახელი - Das Numerale
• 7. ზმნიზედა - das Adverb
• 8. წინდებული - die Präposition
• 9. კავშირი - die Konjunktion
• 10. ნაწილაკი - die Partikel
• 11. შორისდებული - die Interjektion

ზმნა (Das Verb)

გერმანულ ენაში არის პირიანი და უპირო ზმნები. ზმნის პირიანი ფორმები იუღლება. მას აქვს პირის, რიცხვის, დროის, გვარისა და კილოს კატეგორიები. ზმნის უპირო ფორმებია: საწყისი (Der Infinitiv) და მიმღეობა (das Partizip). უმეტესი გერმანული ზმნა წინადადებაში იხმარება სამივე პირთან და ორივე რიცხვში. მათ პირიანი ზმნები ეწოდებათ. ზოგიერთი ზმნა მხოლოდ უპირო წინადადებებში გვხვდება მხოლობითი რიცხვის III პირში. ასეთი ზმნები უპირო ზმნებია.

ზმნის ძირითადი ფორმები

გერმანულ ზმნებს აქვთ სამი ძირითადი ფორმა:

1. განუსაზღვრელი ფორმა - Der Infinitiv I Aktiv
2. ნამყო თხრობითი - Das Präteritum Aktiv
3. მიმღეობა II - Das Partizip II

Infinitiv-ი არის ზმნის საწყისი ფორმა.

Präteritum-ს სუსტი უღლების ზმნები აწარმოებენ ფუძეზე -te ბოლოსართის დართვით:

fragen - fragte

sammeln - sammelte

ხოლო ძლიერი უღლების ზმნები Präteritum-ში დაბოლოებას არ იღებენ და ფუძისეულ ხმოვანს იცვლიან:

schreiben - schrieb

spechen - sprach

Das Partizip II-ს სუსტი უღლების ზმნები აწარმოებენ ფუძეზე ge- თავსართისა და -(e)t ბოლოსართის დართვით:

fragen - fragte - gefragt

baden - badete - gebadet

ძლიერი ზმნები Partizip II-ში ზოგჯერ კიდევ ერთხელ იცვლიან ფუძისეულ ხმოვანს და ge-en თავსართ ბოლოსართს დაირთავენ:

schreiben - schrieb - geschrieben

sprechen - sprach - gesprochen

ზმნის დრო

თხრობითი და კავშირებითი კილოსათვის გერმანულ ზმნას აქვს 6 დრო: ახლანდელი (Präsens), ნამყო თხრობითი (Präteritum), ნამყო სასაუბრო (Perfekt), ნამყო წინარე (Plusquamperfekt), მყოფადი I (Futurum I), მყოფადი II (Futurum II)

ახლანდელი დრო (Präsens)

ზმნა ახლანდელ დროში, გამოხატავს საგნის მოქმედებას ან მდგომარეობას, რომელიც საუბრის მომენტში, აწმყოში ხდება:

Ich lese das Buch - მე ვკითხულობ წიგნს

Präsens-ი იწარმოება ზმნის Infinitiv-ის ფუძეზე პირის ნიშნების დართვით. Infinitiv-ის ფუძე მივიღებთ, თუ ზმნას ჩამოვაცილებთ -n, ან -en დაბოლოებას:

machen - mach-en, schreiben - schreib-en.

უღლებისას ზმნა დაირთავს შემდეგ პირის ნიშნებს:

მაგალითად ზმნა machen (კეთება) იუღლება ასე:

ნამყო თხრობითი (Präteritum)

Präteritum-ი გამოიყენება წარსულში მომხდარი ამბის გადმოსაცემად, მოსაყოლად. მისთვის დამახასიათებელია წარსულში დაუსრულებელი მოქმედების აღნიშვნა:

Ich las das Buch - მე ვკითხულობდი წიგნს

ზმნის პრეტერიტუმში უღლებისთვის მის მეორე ძირითად ფორმას (იხ. ზმნის სამი ძირითადი ფორმა) უნდა დავურთოთ პირის ნიშნები:

მაგალითად ზმნა wohnen (ცხოვრება):

ნამყო სასაუბრო (Perfekt)

Perfekt-ი გამოიყენება წარსულში მომხდარი, უკვე დასრულებული მოქმედების გადმოსაცემად.

Ich habe ein Buch gekauft - მე ვიყიდე წიგნი

Perfekt-ი იწარმოება საუღლებელი ზმნის Partizip-II-ით (იხ. ზმნის სამი ძირითადი ფორმა)და დამხმარე ზმნის sein-ის ან haben-ის Präsens-ით. იუღლება მხოლოდ დამხმარე ზმნა, ხოლო საუღლებელი ზმნის Partizip-II უცვლელი რჩება და წინადადების ბოლოში გადადის:

Ich habe gelesen - მე წავიკითხე
მწვანე - დამხმარე ზმნა; წითელი - საუღლებელი ზმნა

მაგალითად sein-ით იწარმოება ზმნა kommen (მოსვლა):

ხოლო haben-ით იწარმოება ზმნა wollen (სურვილი):

Perfekt-ი haben-ით იწარმოება, თუ საუღლებელი ზმნა:

1. არის გარდამავალი - nehmen, sagen, schreiben
2. არის უკუქცევითი - sich erholen, sich anziehen,
3. მოდალური - wollen, sollen, mussen...
4. გარდაუვალი ზმნები, რომლებიც საგნის უძრაობას გამოხატავენ - liegen, stehen, arbeiten,
5. უპირო ზმნები - regnen, donnern, blitzen...
6. და თვითონ haben

ხოლო sein-ით იწარმოება:

1. გარდაუვალი ზმნები რომლებიც საგნის გადაადგილებას გამოხატავენ - gehen, kommen, fahren,
2. გარდამავალი ზმნები, რომლებიც მდგომარეობის შეცვლეს გამოხატავენ - aufstehen, sterben,
3. დამხმარე ზმნები - sein და werden
4. ზმნები - bleiben, begegnen, geschehen, gelingen, passieren, folgen, falen და სხვა.

ნამყო წინარე (Plusquamperfekt)

Plusquamperfeqt გამოიყენება წარსულში მომხდარი ამბის გადმოსაცემად, რომელიც უკვე დასრულებული იყო, ვიდრე მეორე მოქმედება დაიწყებოდა წარსულშივე. მეორე მოქმედება Prateritum-ით გამოიხატება.

Der Zug war schon abgefahren, als ich zum Bahnhoh kam - მატარებელი უკვე წასული იყო, როცა მე სადგურში მივედი.

Plusquamperfeqt-ი იწარმოება დამხმარე ზმნების sein-ისა და haben-ის Prateritum-ით და საუღლებელი ზმნის Partizip-II-თი. haben-ისა და sein-ის შერჩევის წესი იგივეა, რაც Perfekt-ის შემთხვევაში:

haben

sein

მყოფადი I (Futurum-I)

Futurum-I იხმარება იმ ამბის გადმოსაცემად, რომელიც მომავალში რეალურად უნდა შესრულდეს. Futurum I იწარმოება დამხმარე ზმნის werden-ის Prasens-ითა და საუღლებელი ზმნის Infinitiv I-ით. დამხმარე ზმნა იუღლება, საუღლებელი ზმნის Infinitiv I კი უცვლელად წინადადების ბოლოში გადადის.

მყოფადი II (Futurum-II)

Futurum-II იხმარება მომავალ დროში სავარაუდოდ შერულებული, დასრულებული მოქმედების აღსანისნავად. Futurum-II იწარმოება დამხმარე ზმნის werden-ის Prasens-ითა და საუღლებელი ზმნის Infinitiv II-თი. (Infinitiv II იწარმოება საუღლებელი ზმნის Partizip II-ითა და დამხმარე ზმნებით haben ან sein. მაგ: lesen - gelesen haben; kommen - gekommen sein).

არტიკლი

არტიკლი გერმანულ ენაში დამხმარე მეტყველების ნაწილია. არტიკლი ყოველთვის არსებითი სახელის წინ დგას და გამოხატავს მის სქესს, რიცხვსა და ბრუნვას. არტიკლი გერმანულში სამგვარია: განსაზღვრული, განუსაზღვრელი და უარყოფითი. გრამატიკული სქესის მიხედვით, გერმანულ ენაში არტიკლიც სამია: მამრობითი, მდედრობითი და საშოალო:

მამრობითი: der / ein / kein

მდედრობითი: die / eine / keine

საშუალო: das / ein / kein

არსებითი სახელი

არსებითი სხელი არის მეტყველების ნაწილი, რომელიც აღნიშნავს საგანს. გერმანულ ენაში არსებითი სახელები იყოფა მამრობითი (maskulinum), მდედრობითი (femininum) საშუალო (neutrum) სქესიც სახელებად. არსებითი სახელის სქესი მხოლობით რიცხვში გამოიხატება სქესის შესაბამისი არტიკლით(der, die, das), ხოლო მრავლობითში სქესი არ ჩანს (die).

არსებითი სახელის რიცხვი

არსებით სახელს აქვს ორი რიცხვი: მხოლობითი და მრავლობითი. მრავლობით რიცხვში ყველა არსებითი სახელის არტიკლია die. გარდა ამისა, ზოგიერთი არსებითი სახელი დაირთავს სუფიქსს, ზოგი იცვლის ფუძისეულ ხმოვანს. უმეტეს სახელის ფუძეს, მრავლობითში გადაყვანისას, -en/-n, ან -e ბოლოსართი ემატება:

der Staat - die Staaten

die Wand - die Wände

die Tafel - die Tafeln

ბრუნება

გერმანულ ენაში არის ოთხი ბრუნვა: Nominativ (სახელობითი), Genitiv (ნათესაობითი), Dativ (მიცემითი) და Akkusativ (ბრალდებითი). Nominativ-ის კითხვებია wer? (ვინ?) და was?. Genitiv-ის - wessen? (ვისი, რისი). Dativ-ის - wem? (ვის) და Akkusativ-ის wen? (ვის?) was? (რას?)

არტიკლის ბრუნება

განსაზღვრული არტიკლი

განუსაზღვრელი არტილკი

Singular

უარყოფითი არტიკლი

არსებითი სახელის მდედრობითი ბრუნება

მდედრობით ანუ ნულოვან ბრუნებას ეკუთვნის მდედრუბითი სქესის ყველა არსებითი სახელი (die). მათ მხოლობით რიცხვში არა აქვთ დაბოლოება, ეცვლებათ მხოლოდ არტიკლი (არტიკლის ბრუნების წესის მიხედვით). მრავლობითში კი დაირთავენ -n ან -en დაბოლოებას:

სუსტი ბრუნება

სუსტად იბრუნვის მხოლოდ სულიერი საგნის აღმნიშვნელი მამრობითი სქესის (der) არსებითი სახელები. სუსტი ბრუნების დროს არსებითი სახელი, გარდა მხოლობითი რიცხვის Nominativ-ისა, ყველგან დაირთავს -(e)n დაბოლოებას:

ძლიერი ბრუნება

ძლიერ ბრუნებას მიეკუთვნება ყველა საშუალო სქესის სახელი (das), გარდა das Herz-ისა და მამრობითი სქესის ის არსებითი სახელები, რომლებიც სუსტად არ იბრუნვიან. ძლიერად ბრუნებისას არსებითი სახელი Genitiv-ში იღებს -s, an -es დაბოლოებას:

ზედსართავი სახელი (Das Adjektiv)

ზედსართავი სახელი არის საგნის, თვისების ან ნიშნის გამომხატველი სიტყვა. იგი პასუხობს კითხვაზე wie? (როგორი). მას ასევე ახასიათებს სქესის, რიცხვისა და ბრუნვის კატეგორიები, რადგანაც ის არსებით სახელთან დგას და მასთან ერთად იბრუნვის. ზედსართავ სახელს აქვს სრული და უსრული ფორმები. სრული ფორმით ზედსართავი სახელი ახლავს არსებითს, როგორც მისი ნიშან-თვისებების აღმნიშვნელი სიტყვა. იგი არტიკლსა და არსებით სახელს შორის დგას და იცვლება არსებით სახელთან ერთად:

Dort steht ein schwarzer Tisch - იქ დგას შავი მაგიდა (მამრ. სქ; სახელობითი ბრუნვა).

Dort hängt eine schwarze Tafel - იქ კიდია შავი დაფა (მდედრ. სქ; სახელობითი ბრუნვა).

Dort stehen schwarze Tische - იქ დგანან შავი მაგიდები (მრავლ. რიცხვი, სახელობითი ბრუნვა).

მოკლე ფორმით ზედსართავი სახელი არ ახლევს არსებითს. იგი წარმოადგენს სახელადი შემასმენლის სახელად ნაწილს და არ იბრუნვის.

Die Aufgabe ist schwer - დავალება რთულია.

ნაცვალსახელი (Das Pronomen)

ნაცვალსახელის, როგორც მეტყველების ნაწილის ძირითადი ფუნქციაა, შეცვალოს წინადადებაში არსებითი სახელი ან ახლდეს მას. გერმანულ ენაში არსებობს ნაცვალსახელების შემდეგი ჯგუფები:

• პირის ნაცვალსახელი - das Personalpronomen
• ჩვენებითი ნაცვალსახელი - das Demonstrativpronomen
• კუთვნილებითი ნაცვალსახელი - das Possesivpronomen
• უკუქცევითი ნაცვალსახელი - das Reflexivpronomen
• კითხვითი ნაცვალსახელი - das Fragepronomen
• მიმართებითი ნაცვალსახელი - das Relativpronomen
• განუსაზღვრელი ნაცვალსახელი - das unbestimmte Pronomen
• უარყოფითი ნაცვალსახელი - das negative Pronomen
• პირნაკლი ნაცვალსახელი - das unpersönliche Pronomen

რიცხვითი სახელი (Das Numerale)

რიცხვითი სახელი აღნიშნავს საგნის რაოდენობას, რიგს ან მთელი რიცხვის ნაწილს. გერმანულ ენაში არსებობს სამგვარი რიცხვითი სახელი:

• რაოდენობითი - Grundzahlwörter
• რიგობითი - Ordnungszahlwörter
• წილადი - Bruchzahlwörter

რაოდენობითი რიცხვითი სახელი გამოხატავს საგნის რაოდენობას და დაესმის კითხვა wievil? (რამდენი?). რაოდენობითი რიცხვითი სახელების წარმოების ცხრილი იხილეთ განყოფილებაში - ლექსიკა ↓.

წილადი რიცხვითი სახელი იწარმოება რაოდენობით რიცხვით სახელებზე -stel (19-მდე -tel) დაბოლოების დართვით. მაგალითად:

• ¼ - ein Viertel
• 2/30 - zwei Dreißigstel

რიგობითი რიცხვითი სახელი გამოხატავს საგნის რიგს და პასუხობს კითხვაზე der wievilte? (მერამდენე). იგი იწარმოება რაოდენობით რიცხვით სახელზე ste (19-მდე - te) ბოლოსართვის დართვით. მაგალითად:

• zwei - zweite
• vier - vierte
• einundzwanzig - einundzwanzigste

გამონაკლისია eins (ერთი) და drei (სამი):

• eins - erste
• drei - dritte

ვიკიწიგნებში არის სახელმძღვანელო:

გერმანული გრამატიკა

ლექსიკა

ფრაზები და სიტყვები

• გამარჯობა - Guten Tag
• დილა მშვიდობისა - Guten Morgen
• საღამო მშვიდობისა - Guten Abend
• ღამე მშვიდობისა – Gute Nacht
• გამარჯობა (ფამილარული ფორმა) – Hallo
• გამარჯობა (ფამილარული ფორმა) - Grüß dich

• როგორ ხარ? - Wie geht es dir? Wie geht's?
• კეთილი იყოს თქვენი მობრძანება - (Herzlich) Willkommen
• გმადლობთ - Danke; Danke schön; Vielen Dank

• კი / არა - Ja / Nein
• გეთაყვა - Bitte
• ნახვამდის - Auf Wiedersehen; Tschüss

რიცხვები

• 1 - eins, 2 - zwei, 3 - drei, 4 - vier, 5 - fünf, 6 - sechs, 7 - sieben, 8 - acht, 9 - neun, 10 - zehn, 11 - elf, 12 - zwölf, 13 - dreizehn, 14 - vierzehn ... 20 - zwanzig, 30 - dreißig, 40 - vierzig... 100 - hundert, 1000 - tausend

სქოლიო

რესურსები ინტერნეტში

• დავალებები და სავარჯიშოები ქსელში (ონ-ლაინ)
• ქართულ გერმანული და გერმანული ქართული ონლაინ ლექსიკონი